PLC-serfrøðingur til KT-deildina

Vit søkja eftir einum PLC-serfrøðingi, sum skal vera við til at styrkja og menna PLC-økið í Bakkafrost samtakinum.

Talan er um eitt nýtt starv, har tú fært ein týðandi leiklut í at tryggja ein støðugan, tryggan og væl skipaðan rakstur av PLC- og stýriskipanum í samtakinum. Tú kemur at arbeiða tvørtur um deildir og lond.

Starvsstaðurin er á Glyvrum, men tú fert at arbeiða fyri allar deildir í samtakinum, sum hava PLC-stýringar. 

 

Uppgávur

Sum PLC-serfrøðingur verður tú millum annað við til at:

• seta upp, dagføra, halda viðlíka og menna PLC- og stýriskipanir
• hava eftirlit við skipanum, gera feilsøking og umvælingar
• samskipa størri PLC-verkætlanir, eisini tá veitarar eru við í arbeiðinum
• styrkja trygdina í OT-umhvørvinum, eitt nú við ”hardening”
• tryggja góða dokumentatión av skipanum og broytingum
• arbeiða við samspælinum millum PLC, sensorar, maskinur og aðrar tekniskar skipanir
• arbeiða við Aveva, ið er SCADA skipanin, ið Bakkafrost brúkar.
• loysa aðrar uppgávur í samráð við leiðaran

Starvið er bæði operationelt og samskipandi. Tú skalt sostatt bæði kunna arbeiða ítøkiliga við skipanum og samstundis samskipa uppgávur og samstarv við ymiskar partar í samtakinum.

 

Tín vangamynd

Vit ímynda okkum, at tú:

• hevur viðkomandi útbúgving ella royndir innan el, automation, KT, verkfrøði ella líknandi. Fleiri ymiskar bakgrundir kunnu hóska til starvið, og vit leggja dent á ta røttu samansetingina av útbúgving, royndum, tekniskum førleikum og persónligum eginleikum
• hevur áhuga fyri og kunnleika til PLC- og stýriskipanir
• hevur royndir við uppseting, rakstri, viðlíkahaldi ella feilsøking av tekniskum skipanum
• ert áhugað/ur í at menna og standardisera tekniskar skipanir

Skilir føroyskt og kanst vera partur av fakliga og sosiala felagsskapinum í deildini, har dagliga samskiftið er á føroyskum. Somuleiðis er neyðugt, at tú dugir væl enskt, tí vit samskifta dagliga við starvsfelagar í Skotlandi.

 

Vit bjóða

Tú fært eitt nýtt og fjølbroytt starv við stórari ávirkan á, hvussu PLC- og tekniskar skipanir verða mentar og røktaðar í Bakkafrost samtakinum.

Tú verður partur av einum fakliga sterkum KT-toymi, har samstarv, ídni og ábyrgd eyðkenna gerandisdagin.

 

Umsókn

Tú søkir starvið við at trýsta á knøttin niðanfyri.

Um tú hevur spurningar til starvið, ert tú vælkomin at seta teg í samband við Kristian Eli Zachariasen, KT-stjóra, á tlf. 23 50 70.

Starvið verður sett sum skjótast. Umsóknarfreistin er tann 22. septembur. Samrøður verða hildnar so hvørt, sum skikkaðar umsóknir koma.

 

Um KT-deildina

KT-deildin á Bakkafrost arbeiðir við sera fjølbroyttum uppgávum. KT er partur av framleiðsluskipanum, fíggjarstýringsskipanum, sporførisskipanum, samskiftisskipanum, SCADA-skipanum, alarmskipanum, aliskipanum og øðrum skipanum.

Uppgávan hjá KT-deildini er at menna og viðlíkahalda hesar skipanir. Virksemið hjá KT-deildini er í Føroyum, USA, Skotlandi, Danmark og Fraklandi. Á deildini starvast 19 fólk – 13 av teimum hava starvsstað á Glyvrum og hini í Skotlandi.