Logistikkfólk

Logistikkfólk

Ert tú ágrýtin og skipað/ur, og hevur tú áhuga fyri logistikki? Ynskir tú at vera við til at menna og økja um innflutningsmarknaðin í Føroyum? So ert tú tann, ið vit leita eftir!

 

Starvið

Talan er um eitt nýtt og spennandi starv, har tú verður við til at menna innflutningsmarknaðin saman við FarCargo toyminum. Sum logistikkfólk hjá okkum, verður tú við til at tryggja, at allar sendingar verða avgreiddar rættstundis og á ein tryggan hátt. Tú kemur at samskifta við kundar og samstarvsfelagar.

 

Uppgávurnar eru fjølbroyttar, men tú fert serliga at arbeiða við:

• At samskipa flutning
• At samskifta við kundar
• At stuðla søluarbeiðinum
• Avgreiðslu av váttanum, farmaskjølum og bókingum
• Fakturering

 

Tú verður partur av toyminum hjá FarCargo við starvstaðið á Glyvrum.

Tú kemur at vísa til stjóran hjá FarCargo.

 

 

Vangamynd

Tað er ikki krav til útbúgving, men vit ímynda okkum, at tú hevur royndir innan umsiting og flutning. Fyrimunur er, um tú ert útbúgvin speditør. Tú dugir væl at samskifta í skrift og talu á føroyskum, skandinaviskum og enskum.

Vit ímynda okkum at tú arbeiðir skipað, hevur góð samskiftisevnir og klárar at loysa óvæntaðar avbjóðingar, sum kunnu stinga seg upp.

 

 

Løn og setanartreytir

Løn og setanartreytir eru sambært avtalu.

 

Meir at vita

Vilt tú hava meira at vita um starvið, ert tú vælkomin til at seta teg í samband við Hanus Jacobsen, stjóra, á telefon 235006 ella við telduposti til hajc@bakkafrost.com

 

Umsókn

Søk starvið við at trýsta á knøttin niðanfyri. Umsóknarfreistin er 26. Desember 2024. Allar umsóknir verða viðgjørdar í trúnaði.

 

Les meira um FarCargo her: https://www.farcargo.fo/

Søk starvið