Fiskarøktarar til smoltstøðina á Norðtoftum

Visti tú, at útbyggingarnar á smoltstøðini á Norðtoftum eru lidnar, og at rúmdin á smoltstøðini er vaksin frá 5.500 m3 til 18.000 m3? Við nýggja kapasitetinum skulu vit at økja um mongdina og støddina á smolti, og tí søkja vit eftir fiskarøktarum, sum hava áhuga fyri fiskavælferð og ynskja at gerast ein partur av okkara toymi.

_Arbeiðsøki 

_{Sum fiskarøktari eru høvuðsuppgávurnar hesar:}

_{·        at røkta fiskin}

_{·        at brúka ymiska tekniska útgerð}

_{·        at stýra vatngóðsku}

_{·        at virka til frama fyri fiskaheilsu og fiskavælferð}

_{Talan er um fulltíðarstarv, sum er 40 tímar um vikuna. Arbeitt verður gerandisdagar frá kl. 8.00 - 16.00. Vit hava eina vaktarskipan og aftaná tíð við upplæring, kann tað gerast møguligt at blíva partur av vaktarskipanini.}

_{Tín vangamynd} 

_{Sum persónur er tú ágrýtin, álítandi, tekur við ábyrgd og trívist við at arbeiða sjálvstøðugt og í toymum. Tú hevur ein positivan hugburð til uppgávurnar, áhuga í at arbeiða við djórum og telduførleikar á brúkarastøði. Royndir innan aling er ein fyrimunur, men ikki eitt krav, tí tú fært góða upplæring frá okkum.}

_{Løn og setanartreytir}

_{Lønin er sambært alarasáttmálanum.}

_{Meira at vita} 

_{Vilt tú hava meira at vita um starvið, ert tú vælkomin at seta teg í samband við Heina Gregersen, formann, á tel. 23 50 96 ella við t-brævi til hegr@bakkafrost.com}

_Umsókn 

_{Tú søkir starvið við at trýsta á “Søk starvið” á leinkjuni niðanfyri.}  

_{Umsóknarfreistin er sunnukvøldið 1. oktober 2023.} 

_{Allar umsóknir verða viðgjørdar í trúnaði.}

 

Um okkum

Bakkafrost samtakið er størsta alifyritøka í Føroyum og næststørsta alifyritøka í Skotlandi. Samtakið hevur fulla virðisketu frá fóðri, lívfiski, smolt- og laksaaling, kryvjing, liðugvøruframleiðslu til sølu og flutning. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (góðskingarvirkið) er á Glyvrum, og alivirksemi er í Norðoyggjum, Eysturoynni, Streymoynni, Suðuroynni og í Skotlandi. Felagið hevur lívfiskavirksemi í Streymoynni, Sandoynni og í Skotlandi og harumframt eitt biogassvirki í Streymoynni. Høvuðsskrivstova felagsins er á Glyvrum, og søla og umsiting er eisini í Edinburgh, Munkebo, Boulogne-sur-Mer og í New Jersey. Samanlagt hevur samtakið 1.778 starvsfólk (ársverk).

www.bakkafrost.com

Søk starvið